您现在的位置: 好彩足球网 >> 名家推荐 >> 正文

塞內加爾追擊畿內亞|東方日報

发表于:2022/1/14 15:41:48 来源:文章中心 点击数:

文尼拿比基達B組拗手瓜
非國盃B組上演「紅軍內戰」,由沙迪奧文尼率領嘅塞內加爾,將會硬撼利物浦隊友拿比基達領軍嘅畿內亞。上屆亞軍塞內加爾今次以冠軍為目標,球隊實力及經驗都屬超班,主勝值得支持。

(Now??638周五晚9時直播)
塞內加爾足球近年人才輩出,效力利物浦嘅沙迪奧文尼當然係王牌球星,門將艾度亞文迪、中堅高列巴尼、中場伊祖沙古爾全部都喺歐洲頂級豪門擔任主力,領隊艾路施斯執教球隊長達7年,球隊目前正處於巔峰,被視為冠軍熱門乃理所當然。上場塞內加爾喺疫情影響下,殘陣出擊仍以1比0擊敗津巴布韋,據報今仗有中場馬達沙亞在內至3人已經康復,實力更見完整。

陣前易帥難望反彈
畿內亞喺外圍賽以1分之微力壓馬里出線,6場分組賽只贏過3仗,表現欠缺說服力。畿內亞除隊長拿比基達較具卡士,其他球員質素只係普通貨色,整體實力並唔突出,球隊上年喺世盃外6場不勝後,出戰非國盃前臨時易帥,前阿仙奴球員迪亞華拉喺決賽周開始前1個月先至上任,恐怕一時三刻都執唔掂隊波,難望即時有反彈演出。翻查兩隊過去12次交手,塞內加爾法定時間內錄得8勝2和2負成績,今場有望再下一城。

  • 上一篇文章:

  • 下一篇文章: 没有了
  • 推荐 名家推荐
    • 此栏目下没有热点文章
    广告联系>> 在线QQ:1409990877  服务时间:11:00-24:00